Current
·
C2
·2026-11
بیلجیم میں کل ملک گیر ہڑتال کے باعث تمام ہوائی اڈے بند ہونے کا خدشہ
بیلجیم میں حکومتی کفایت شعاری اقدامات کے خلاف ایئر ٹریفک کنٹرولرز کی ملک گیر ہڑتال کے باعث پیر 23 نومبر کو ملک بھر میں فضائی آپریشن شدید متاثر ہونے اور تقریباً تمام پروازیں منسوخ ہونے کا خدشہ ہے۔
بیلجیم میں فضائی ٹریفک کنٹرول کی ذمہ دار کمپنی اسکائیز نے اعلان کیا ہے کہ پیر کو صبح 7 بجے سے رات 9 بجے تک معمول کی فضائی ٹریفک کنٹرول سروس فراہم نہیں کی جاسکے گی۔
کمپنی کے مطابق عملے کی متوقع کمی کے باعث پروازوں کی محفوظ آمدورفت یقینی بنانا ممکن نہیں ہوگا، تاہم ہنگامی اور اہم حفاظتی پروازوں کے لیے کم سے کم ضروری خدمات دستیاب رہیں گی۔
ملک کے سب سے بڑے برسلز ایئرپورٹ نے کہا ہے کہ آنے اور جانے والی زیادہ تر پروازیں منسوخ کرنا پڑیں گی، جبکہ چارلروئے ایئرپورٹ کے مطابق ہڑتال کے نتیجے میں ملک کے تمام ہوائی اڈوں پر پورے دن فضائی آپریشن معطل ہوسکتا ہے، جس سے ہزاروں مسافر متاثر ہوں گے۔
بیلجیم میں وزیراعظم بارٹ ڈی ویور کی حکومت کی جانب سے آئندہ برسوں میں 10 ارب یورو کی بچت کے منصوبے کے خلاف گزشتہ کئی ماہ سے احتجاج اور ہڑتالوں کا سلسلہ جاری ہے۔
وزیراعظم حکومت کے اتحادیوں کے ساتھ نئے کفایت شعاری بجٹ پر اتفاق رائے کے لیے مذاکرات کررہے ہیں۔
رواں ماہ حکومتی اتحاد میں اختلافات کے باعث انہوں نے استعفیٰ دینے کی پیشکش بھی کی تھی، تاہم شاہ فلپ نے استعفیٰ قبول کرنے سے انکار کرتے ہوئے انہیں مسئلے کا حل تلاش کرنے کے لیے مزید وقت دیا تھا۔
Find Your Interest
- Introducing TongueType
- Reset: recycle or revolution?
- The provinces diatribe
- Performance Testing in Production on Kubernetes: A Practical Guide
- curl Through Pivots: Internal API Discovery
- Building From First Principles
- Abdul Hannan on fame, hustle culture and why health and family come before work
- Who delegated Delegate Sahib?
- Bob Hertzel: Sadler's record-breaking tournament ends in loss to Gators
- Cleverley confident goals will come for Argyle
Current
·
C2
·2026-11






