مدینہ منورہ: ایم کیو ایم کے رہنما و سابق صوبائی وزیر رؤف صدیقی اور ان کی اہلیہ سعودیہ عرب میں ٹریفک حادثے میں زخمی ہوگئے جنہیں اسپتال منتقل کردیا گیا۔ ایکسپریس نیوز کے مطابق ‎سابق صوبائی وزیر برائے صنعت و تجارت سندھ رؤف صدیقی اپنے اہلِ خانہ کے ہمراہ مکہ مکرمہ سے مدینہ منورہ جا رہے تھے کہ مسجدِ قبا کے قریب ان کی گاڑی کو حادثہ پیش آ گیا۔ حادثے میں رؤف صدیقی اور ان کی اہلیہ زخمی ہوگئے، امداد کارروائی کرتے ہوئے انہیں اسپتال مدینہ منورہ کے مواسات اسپتال میں منتقل کردیا گیا جہاں وہ زیر علاج ہیں۔.