خیبر پختونخوا؛ پولیس آپریشن میں انتہائی مطلوب دہشتگرد کمانڈر سیف اللہ مارا گیا
باڑہ شیخان کے علاقے میں پولیس کارروائی کے دوران فتنۃ الخوارج کا انتہائی مطلوب کمانڈر سیف اللہ مارا گیا، مقابلے میں 2 پولیس اہلکار معمولی زخمی ہوئے جنہیں ابتدائی طبی امداد فراہم کردی گئی۔
پولیس کے مطابق ہلاک دہشت گرد کمانڈر سیف اللہ کالعدم ٹی ٹی پی سے وابستہ تھا اور پولیس و سی ٹی ڈی کو متعدد سنگین مقدمات میں مطلوب اشتہاری تھا۔ وہ گرفتاری کے خوف سے گزشتہ 3 سال سے افغانستان میں مقیم تھا اور حال ہی میں دہشت گردوں کی ایک تشکیل کا کمانڈر مقرر ہوکر دہشت گردی کی غرض سے پاکستان آیا تھا۔
سی ٹی ڈی ریکارڈ کے مطابق ہلاک دہشت گرد میدانک کے علاقے میں سیکیورٹی چیک پوسٹوں پر متعدد براہ راست حملوں سمیت جمرود کے علاقے علی مسجد میں آئی ای ڈی دھماکوں میں بھی ملوث تھا۔ پولیس کے مطابق کارروائی کے دوران دہشت گرد کی جانب سے گرینیڈ حملہ کیا گیا، جس کے نتیجے میں 2 پولیس اہلکاروں کو معمولی خراشیں آئیں۔
انسپکٹر جنرل آف پولیس خیبرپختونخوا ذوالفقار حمید نے انتہائی مطلوب دہشت گرد کمانڈر کو ہلاک کرنے پر خیبرپختونخوا پولیس کے جوانوں کی تعریف کرتے ہوئے انہیں شاباش دی۔ انہوں نے کہا کہ بہترین کارروائی کے دوران خارجی کمانڈر کو ہلاک کرکے سیکڑوں معصوم جانوں کو بچانے والے پولیس اہلکار قوم کا اثاثہ ہیں۔
آئی جی خیبرپختونخوا پولیس نے مزید کہا کہ پاک سرزمین کو آخری دہشت گرد سے پاک کرنے تک آپریشنز اور کارروائیوں کا سلسلہ جاری رہے گا۔
Find Your Interest
- Population emergency
- Morte Sem Tabu
- 김민, ‘나혼산’ 떴더니 마당엔 낯선 차·SNS엔 가짜 계정…“법적 조치” 경고 [Oh!쎈 이슈]
- 남의 돈 2200만원 갖고 '장난'이라는 김승우→'술타기'로 재판 가는 이재룡...술로 얼룩진 중년 배우들 [Oh!쎈 초점]
- 188cm 성준, 161.3cm 츄..‘광안’ 감독 “세모 화면에선 이상적 키 차이” [Oh!쎈 현장]
- 120억 집에서 ‘보릿고개’, 명품은 보여주고 잔고엔 눈물?…도경완·정웅인·이상민의 돈 걱정, 시청자도 지친 ‘가난팔이’ [Oh!쎈 초점]
- '170억 삼성동 주택' 김승우, 절도 혐의 피소.."장난, 다 변제했다" [Oh!쎈 이슈]
- “우리 자신 이기는 것이 목표” 에이티즈, ‘BAD’ 넘어 더 위로 (종합)[Oh!쎈 현장]
- 7살 연상 형에게 “아버지”..‘문무’ 이현욱, “다독여주고 끌어주셔서 호흡 퍼펙트” [Oh!쎈 현장]
- 에이티즈 산 “‘BAD’로 큰 사랑, 꿈 같은 나날 보내고 있다” [Oh!쎈 현장]
