Мал до среден дрон на соларен погон, развиен во Кина, во средата го изврши својот прв лет, соопшти Кинеската академија за аерокосмичка аеродинамика, која е дел од Кинеската корпорација за аерокосмичка наука и технологија (ЦАСЦ).
Станува збор за целосно електрично летало од комерцијална класа, кое се напојува исклучиво со сончева енергија. Леталото е долго 3,2 метри, има распон на крилјата од осум метри и е дизајнирано да може да остане во воздух најмногу 30 часа.
Развојниот тим истакна дека дронот е дизајниран да биде еколошки, енергетски ефикасен, економичен и погоден за брзо масовно производство. Неговите главни предности се долгото времетраење на летот, можноста за брзо распоредување, како и едноставното одржување и поддршка.
Според креаторите, овој дрон пополнува празнина на кинескиот комерцијален пазар за мали и средни, целосно електрични летала за мали височини, кои се способни за долготрајни летови, поевтини се за употреба и можат да покријат големи површини.
Се очекува дронот да се користи за инспекција на цевководи на долги растојанија, проверка на големи хидротехнички објекти, геодетски мерења и истражување на природните ресурси, брза процена на состојбата во погодените подрачја по катастрофи, како и за надзор на големи територии.
The post Кинески дрон на соларен погон успешно го спроведе својот прв лет appeared first on Нова Македонија.
